අප ගැන

අප ගැන

අප ශ්‍රී ලංකාවේ සමාගම් පනත යටතේ ලියාපදිංචි කර ඇති පුද්ගලික සමාගමකි. එය ලංකා ඊ ප්ලට්ෆොර්ම් ලෙස ලියාපදිංචි කර ඇති අතර 100% ක් දේශීය හිමිකාරිත්වය ඇති සමාගමකි. අප ජාත්‍යන්තර ව්‍යාපාර සංවර්ධන සමාගමක් ලෙස ඔබේ අවශ්‍යතා සඳහා පරිගණක විසඳුම නිර්මාණය කරන්නෙමු. අප එහිදී ඔබගේ අවශ්‍යතා විශ්ලේෂණය කර අන්තර්ජාල හා අන්තර්ජාල නොවෙන තාක්ෂණික විසඳුම් ලබා දෙන්නෙමු. අපගේ ප්‍රධාන ඉලක්කය වන්නේ ශ්‍රී ලංකාවේ ව්‍යාපාරික විසඳුම් ලබා දෙන අතරම ජාත්‍යන්තර වෙළඳපොල වර්ධනය කර ගැනීමයි, විශේෂයෙන් යුරෝපීය වෙළදපොල.

ගෙවත්ත.කොම් ප්‍රධාන අභිලාෂයන්;

  • බාධා වලින් තොර ඉල්ලුම සහ සැපයුම සදහා විසදුම් ලබා දීම.
  • ස්භාවික හා සෞඛ්‍ය සම්පන්න නිෂ්පාදන භාවිතය වැඩි දියුණු කිරීම.
  • සනීපාරක්ෂක හා ගුණාත්මක නිෂ්පාදන හඳුන්වා දීම.
  • නිෂ්පාදන නාස්තිය වළක්වා ගැනීමට විසදුම් ලබා දීම.
  • නව සමාජ ආර්ථික විසඳුමක් හඳුන්වා දීම.
  • ගැනුම්කරු සහ විකුණන්නා අතර විශ්වසනීයත්වය වැඩි දියුණු කිරීම.
  •  ව්‍යාජ ගැනුම්කරුවන් සහ සැපයුම්කරුවන් බදවා නොගැනීම හා තහනම් කිරීම.
  • සාධාරණ ලෙස මිලට ගනීමේ සහ විකිණීමේ ව්‍යාපාරික සංස්කෘතිය ගොඩ නැගීම.

අප විශේෂ වන්නේ ඇයි;

  •  ඕනෑම රටක දේශීය නිෂ්පාදන ජාත්‍යන්තර වෙළඳපොළට හඳුන්වා දීම.
  • නිරන්තරයෙන් වෙනස් වන ව්‍යාපාරික ලෝකයට නව තාක්ෂණය යොදා ගැනීම.
  • අපගේ ජාත්‍යන්තර කාර්ය මණ්ඩලයට ස්වදේශීය ඉංග්‍රීසි, ප්‍රංශ, ඉතාලි, ජර්මානු සහ ස්පාංඥ භාවිතා කරන්නන්ගෙන් සමන්විත වීම.
  • අපි ඕනෑම නිෂ්පාදනයක් සඳහා භාෂා පරිවර්තන සේවා සැපයීම.
  • සියලුම ක්‍රමවේදයන් පරිගණක පද්දති ගත කර ඇති බැවින් සියලු දෙනාටම එක නීතියක් භාවිතා කිරීම.
  • අපගේ නීති රීති පවත්වා ගැනීමට අපොහොසත් වන අය වහාම ඉවත් කිරීම හා අවශ්‍ය නම් තහනම් කිරීම.
  • අවශ්‍ය අවස්ථාවන් වල දේශීය වැඩමුළු හා පුහුණු වැඩසටහන් පැවැත්වීම.
  • ප්‍රමිතිකරණය ලෙස අපි යුරෝපීය ප්‍රමිතීන් පොදුවේ අනුගමනය කිරීම.
  • තනි වේදිකාවක් තුළ නිෂ්පාදකයා, විකුණන්නා, ගැනුම්කරු, බෙදාහරින්නා සහ නැව්ගත කිරීම සමඟ අන්තර් සාකච්ඡා කිරීමේ හැකියාව.
  • තනි වේදිකාවක් තුළ ගෘහස්ථ, සිල්ලර, තොග සහ අපනයන පදනම මත බහු-මිලක් තැබිය හැකිවීම.
  • විදේශ මුදල් වර්ග 10 කට වඩා වැඩි ප්‍රමාණයක් තුළින් ගණුදෙනු සපයන අතරම අභ්‍යන්තර ස්වයංක්‍රීය මිල ගණන් වර්ග 20 කට වැඩි ප්‍රමාණයක් පද්දතියට එකතු කර ඇත.
  • සිසුන්ට, විශ්‍රාමිකයින්ට, රැකියා විරහිත පුද්ගලයින්ට, කාන්තාවන්ට නිවසේ සිට උපයා ගැනීමට පටන් ගත හැකි අතර ඕනෑම පුද්ගලයෙකුට හෝ සමාගමකට තම ව්‍යාපාරය ලොව පුරා ව්‍යාප්ත කළ හැකි වීම.
  • සියළුම ක්‍රියාකාරකම් ව්‍යාපාරික ප්‍රතිපත්තිවලට අනුකූල වන බව සහතික කිරීම සඳහා අඛණ්ඩව අධීක්ෂණය කිරීම සහ මාර්ගෝපදේශ පිළිපැදීම.

අපේ ඉතිහාසය

වසර ගණනාවක ගමන

අපගේ ව්‍යාපාරය

මෙම ව්‍යාපාරය ආරම්භ කිරීමට පෙර අපේ ව්‍යාපාරය සංචාරක ව්‍යාපාරය මත පදනම් වූවකි. නමුත් කොවිඩ් වසංගතය සීඝ්‍රයෙන් ඉහළ යමින් තිබෙන හෙයින් අපට තවදුරටත් සංචාරක ව්‍යාපාරය මත පමණක් විශ්වාසය තැබිය නොහැක. අපි දිවයිනේ සෑම ප්‍රදේශයකම සංචාරය කර ශ්‍රී ලංකාවේ ප්‍රායෝගික තත්ත්වය බෙහෙවින් අවබෝධ කරගෙන ඇත්තෙමු.

විවිධ රටවල සහ විවිධ භාෂාවලින් විවිධ පුද්ගලයින් සමඟ සංචාරක කර්මාන්තය සමඟ කටයුතු කිරීමේ අපගේ පළපුරුද්ද සහ විදේශීය අත්දැකීම් පදනම් කරගෙන මෙම ජාත්‍යන්තර ව්‍යාපාරය ආරම්භ කිරීමට අපි සිතුවෙමු.

ගෙවත්ත.කොම් අපගේ පළමු මුලපිරීමයි. එය ලොව පුරා සිටින ගැනුම්කරුවන්ට සහ විකුණුම්කරුවන්ට නිවාස පදනම් කරගත් අවශ්‍යතා මිලදී ගැනීම සහ විකිණීම සඳහා එකිනෙකා සමඟ කෙලින්ම සම්බන්ධ වීමට ඉඩ සලසන ජාත්‍යන්තර වෙළඳපොල වේදිකාවක් වේ. ඕනෑම කෙනෙකුට අප සමඟ නිවසේ සිට හෝ සමාගමක් තුළින් විකිණීම ආරම්භ කළ හැකිය.

අපගේ ව්‍යාපාරික ස්ථානය පිහිටා ඇත්තේ ශ්‍රී ලංකාවේ සහ ප්‍රංශය කේන්ද්‍ර කොටගෙනය. අපේ යුරෝපීය ව්‍යාපාරය පදනම් වී ඇත්තේ පැරිසියේ ය. කෙසේ වෙතත්, වර්තමාන වසංගතය හේතුවෙන්, අපගේ ව්‍යාපාරික ස්ථාන වෙනස් කර තාවකාලිකව අන්තර්ජාලය හරහා ක්‍රියාත්මක කිරීමට අපට සිදුවිය. එබැවින් පාරිභෝගිකයින්ට අපගේ ව්‍යාපාරික ස්ථාන වෙත පැමිණීමට අවස්ථාවක් නොමැත. වසංගතය අවසන් වූ වහාම අපගේ ගනුදෙනුකරුවන් හමුවීම සඳහා නව ස්ථාන දියත් කරන බව සතුටින් ප්‍රකාශ කරමු. ඔබට මේ මොහොතේ අප හා සම්බන්ධ විය හැක්කේ අන්තර්ජාලය හරහා පමණි.

මෙම ව්‍යාපාරයේ ආරම්භකයා වන්නේ ශ්‍රී ලාංකික විශ්ව විද්‍යාලයකින් උපාධියක් ලබා ඇති ප්‍රංශ විශ්ව විද්‍යාලයකින් ජාත්‍යන්තර ව්‍යාපාර සංවර්ධනය පිළිබඳ M.Sc උපාධියක් ලබා ඇති නාලක මහතා ය. ඔහු ලොව පුරා රටවල් 190 ක ක්‍රියාත්මක වූ ප්‍රංශ සමාගමක ජාත්‍යන්තර ව්‍යාපාර සංවර්ධන කළමනාකරුවෙකු ලෙස සේවය කළ අතර ඔහුගේ දැක්ම මෙම ව්‍යාපාරයේ කොඳු නාරටිය වන අතර එය ජාත්‍යන්තර වෙළඳපල තුළ ඕනෑම රටක දේශීය නිෂ්පාදන පුළුල් කිරීමට එය බෙහෙවින් උපකාරී වේ.

History

අපගේ ආරාධනය

සමාජ ආර්ථික අධ්‍යාපන පසුබිම නොසලකා සියලු 'යහපත්' හා 'ගෞරවනීය' පුද්ගලයින්ට අපගේ ඩිජිටල් වේදිකාවට ගැනුම්කරුවෙකු, විකුණුම්කරුවකු ලෙස හෝ දෙයාකාරයෙන්ම එක් වන ලෙස අප සතුටින් ආරාධනා කරමු.

Main Menu